O sistema dinámico de adquisición SDA 25/2022 atópase actualmente prorrogado ata o 28/02/2027. A data máxima ata a que resulta prorrogable é o 29 de setembro de 2027.
A efectos informativos e para facilitar a planificación dos usuarios do sistema dinámico, tanto administracións como empresas, emítese este aviso. Este aviso informativo ten carácter meramente orientativo e pretende dar publicidade á planificación da DGRCC, quedando en todo caso suxeito ao desenvolvemento dos procedementos que aquí se refiren e que non dependen exclusivamente deste centro directivo.
Esta DGRCC prevé realizar unha nova prórroga do actual sistema dinámico de adquisición, SDA 25/2022, ata o 31 de xullo de 2027, que se tramitará nas vindeiras semanas. En paralelo, pretende tramitar o novo SDA 25/2026 co obxectivo de que entre en vigor o día 1 de agosto de 2027. Con carácter previo á entrada en vigor do novo SDA 25/2026 publicaranse os modelos de documentos de invitación á licitación e atenderanse dúbidas e consultas a través dunha caixa de correo dedicada, coa vontade de permitir anticipar aquelas tarefas preparatorias dos contratos específicos que sexan posíbeis.
Coa mesma finalidade de facilitar a planificación de todos os actores involucrados, por medio desta canle e sen prexuízo da programación anual publicada no perfil do contratante da DGRCC, actualizarase a información en caso de ser necesario.
