Lémbrase que o 31 de marzo de 2026 remata a vixencia do AM 20/2023, sendo a data límite para remitir as propostas de adxudicación de compra directa a través de AUNA o vindeiro 27 de marzo de 2026.

No caso de contratos baseados que se adxudiquen mediante a convocatoria dunha segunda licitación, poderanse remitir propostas de adxudicación dentro dos 30 días seguintes á finalización do presente acordo marco, sempre que a data de envío aos adxudicatarios do acordo marco das invitacións para participar na licitación sexa anterior a esa data.

O vindeiro 1 de marzo de 2026 entra en vigor o Lote 3 – Cadeiras do Acordo Marco 01/2024 para a subministración de mobiliario de despacho e complementario, de arquivo, de bibliotecas, mamparas, clínico e xeriátrico e de laboratorio (Expte. 2025/51).

Os contratos baseados do Lote 3 poderanse tramitar a partir desa data na aplicación informática AUNA.

Ditáronse instrucións complementarias para a tramitación dos contratos baseados con e sen licitación do acordo marco 02/2023, con motivo da situación de escaseza de compoñentes microinformáticos sobrevida no mercado.