Deskribapena

Aginduaren xedea da FNMT-RCM, E.P.E., M.P.k honako hauei ematea, alegia, ministerio-sail desberdinei, haien organismo autonomoei, Administrazio Digitaleko Estatu Agentziari, Ogasun Administrazioko Estatu Agentziari, Aire Segurtasuneko Estatu Agentziari (AESA)–Aviación Civilaren Zuzendaritza Nagusiari, ENAIREri, RED.es-i, Mediterraneoko Arroetako Urak, S.M.E., S.A. (Acuamed) sozietateari, Estatuko Aldizkari Ofizialaren Estatuko Agentziari, Instituto Cervantesi eta Kirol Arloko Dopinaren Aurkako Borrokarako Espainiako Batzordearen Estatuko Agentziari, honako zerbitzu hauek:

1. EIT teknikak eta bitartekoak erabiliz sortutako komunikazio eta dokumentuen bidalketa eta harrera baliozko eta eraginkorrak izan daitezen beharrezkoak diren zerbitzu teknikoak, administratiboak eta segurtasunekoak (ziurtapen- eta sinadura elektronikoaren zerbitzuak).

2. Administrazio Publikoen identifikazio elektronikoko eta beren eskumenen egikaritzearen autentifikazioko zerbitzuak, honako arau hauen arabera: Sektore Publikoko Araubide Juridikoaren urriaren 1eko 40/2015 Legea; Justizia zerbitzu publikoaren, funtzio publikoaren, tokiko araubidearen eta mezenasgoaren arloko Berreskuratze, Eraldaketa eta Erresilientzia Planaren betearazpenerako neurri premiazkoak onartzen dituen 2023ko abenduaren 19ko 6/2023 Errege Dekretu Legeak; eta garapen-arauak.

3. Eta beste zerbitzu batzuk, hala nola webguneen autentifikazio-ziurtagiriak jaulkitzea, ziurtagiriak balidatzeko FNMT-RCM plataformaren bidezko zerbitzuak edo denbora-zigiluen zerbitzua (denbora-zigilatze elektroniko kualifikatuak sortzea).

Iraunaldia

Agindua 2025eko martxoaren 1ean jarri zen indarrean, eta haren indarraldia lau hilabetez luzatu zen, 2025eko ekainaren 30era arte. Aginduaren iraupena luzatu ahal izango da, baina haren guztizko iraupenak ezin izango du bi urteko epea gainditu.

Gaur egun, 2026ko otsailaren 28ra arte luzatuta dago.

Aginduan jasotako zerbitzuen ordainketak Estatuaren Aurrekontu Orokorren 10. Ataleko “Kontratazio Zentralizatua” izenekoaren 01 Zerbitzuaren —“Kontratazioaren Arrazionalizazio eta Zentralizazio Zuzendaritza Nagusia”— kredituen kontura egiten dira.