Logotipo de Ministerio de Facenda e Administracións Públicas
Imagen de la Contratación Centralizada

Aviso Legal

A Dirección Xeral de Racionalización e Centralización da Contratación (en adiante, DGRCC), adscrita á Subsecretaría do Ministerio de Facenda e Administracións Públicas, é o organismo titular do dominio de Internet: http://contratacioncentralizada.gob.es

O uso deste sitio web implica a expresa e plena aceptación das presentes condicións xerais na versión publicada no momento no que o usuario acceda ao sitio, sen prexuízo das condicións particulares que se puideran aplicar a algúns dos contidos ou servizos do sitio web. En todo caso, a actualización da información e dos servizos non é inmediata, polo que poden existir desfasamentos na mesma. Suxerímoslle que comprobe sempre a vixencia e exactitude da información, servizos e contidos recollidos na mesma.

As condicións e termos que se recollen no presente Aviso legal tamén están suxeitos a cambios, de modo que lle invitamos a que revise este Aviso legal cada vez que visite de novo o Portal.

  1. Condicións xerais de uso do portal web​

    A información contida no sitio web http://contratacioncentralizada.gob.es, así como as respostas que puideran darse ás cuestións que formulen os usuarios a través das súas caixas de correo electrónico asociadas, cumpren coas funcións de información xeral e atención ao cidadán previstas no artigo 4 do Real Decreto 208/1996, de 9 de febreiro, polo que se regulan os servizos de información administrativa e atención ao cidadán; isto implica que a información publicada no Portal en ningún caso comporta unha interpretación normativa, nin tampouco consideración xurídica ou económica por parte do organismo titular do dominio; é mera información, de modo que en ningún caso poderá derivarse ningún efecto xurídico vinculante dela.

    Co obxecto de mellorar as prestacións do sitio web, resérvase o dereito, en calquera momento e sen previa notificación aos usuarios, a modificar, ampliar ou suspender temporalmente a presentación, configuración, especificacións técnicas e servizos do sitio web, de forma unilateral.

  2. Dereitos de propiedade intelectual e industrial sobre o deseño, logos e outras imaxes do portal web da DGRCC

    Tanto o deseño do portal e os seus códigos fonte, como os logos, marcas e outros signos distintivos que aparecen no mesmo pertencen á DGRCC e están protexidos polos correspondentes dereitos de propiedade intelectual e industrial. Esta protección afecta igualmente ás imaxes contidas no mesmo.

    O seu uso, reprodución, distribución, comunicación pública, transformación ou calquera outra actividade similar ou análoga, queda totalmente prohibida salvo que medie expresa autorización desta Dirección Xeral. A licenza de uso dos elementos especificados neste apartado deste portal outorgada ao usuario limítase á descarga por parte do usuario de ditos contidos e ao uso privado dos mesmos, sempre que os contidos permanezan íntegros.

    A DGRCC declara o seu respecto cara os dereitos de propiedade intelectual e industrial de terceiros; por iso, se considera que este sitio puidera estar vulnerando os seus dereitos, agradecémoslle que se poña en contacto connosco a través do webmaster do portal, na seguinte dirección de correo electrónico: entradasgafpresupuestariacc@minhafp.es.

  3. Protección de datos de carácter persoal

    Os datos persoais solicitados nos servizos de correo e subscricións desta Web inclúense en ficheiros sometidos ás disposicións da Lei Orgánica 15/1999, do 13 de decembro, de Protección de Datos de Carácter Persoal e no Real Decreto 1720/2007, do 21 de decembro, polo que se aproba o regulamento de desenvolvemento da mesma.

    O usuario ou a usuaria poderá exercer os dereitos de acceso, rectificación e/ou cancelación de acordo coas especificacións recollidas en cada unha das caixas de correo e/ou formularios de subscrición.

  4. Lei aplicable e xurisdición​​

    A lei aplicable en caso de disputa ou conflito de interpretación dos termos que conforman este aviso legal, así como calquera cuestión relacionada cos servizos do presente portal, será a lei española. De cara á resolución de calquera conflito que puidera xurdir con ocasión da visita ao portal ou o uso dos seus servizos, a DGRCC e o usuario ou a usuaria acordan someterse aos xuíces e tribunais do domicilio do usuario ou usuaria, sempre que estea situado no territorio español.

  5. Reutilización da información do Sector Público

    • Obrigatoriedade das condicións xerais

      As presentes condicións xerais, dispoñibles con carácter permanente baixo www.datos.gob.es/avisolegal, vincularán a calquera axente reutilizador polo simple feito de facer uso dos documentos sometidos ás mesmas. A estes efectos, enténdese por axente reutilizador a toda persoa, física ou xurídica, que reutilice información do sector público, sexa para fins comerciais ou non comerciais.

    • Autorización de reutilización e cesión non exclusiva de dereitos de propiedade intelectual

      As presentes condicións xerais permiten a reutilización dos documentos sometidos ás mesmas para fins comerciais e non comerciais. Enténdese por reutilización o uso de documentos que obran en poder dos órganos da Administración Xeral do Estado e os demais organismos e entidades do sector público estatal referidos no artigo 1.2 do Real Decreto 1495/2011, do 24 de outubro, polo que se desenvolve a Lei 37/2007, do 16 de novembro, sobre reutilización da información do sector público estatal, por persoas físicas ou xurídicas, con fins comerciais ou non comerciais, sempre que dito uso non constitúa unha actividade administrativa pública. A reutilización autorizada inclúe, a modo ilustrativo, actividades como a copia, difusión, modificación, adaptación, extracción, reordenación e combinación da información.

      O concepto de documento é o establecido no artigo 3 da Lei 37/2007, do 16 de novembro, sobre reutilización da información do sector público, coa redacción dada pola Lei 18/2015, do 9 de xullo, pola que se modifica a Lei 37/2007, do 16 de novembro, sobre reutilización da información do sector público, o que comprende toda a información, calquera que sexa o seu soporte material ou electrónico, así como a súa forma de expresión gráfica, sonora ou en imaxe utilizada, incluíndo, en consecuencia, tamén os datos nos seus niveis máis desagregados ou «en bruto»..

      Esta autorización implica tamén a cesión gratuíta e non exclusiva dos dereitos de propiedade intelectual, no seu caso, correspondentes a tales documentos, autorizándose a realización de actividades de reprodución, distribución, comunicación pública ou transformación, necesarias para levar a cabo a actividade de reutilización autorizada, en calquera modalidade e baixo calquera formato, para todo o mundo e no prazo máximo permitido pola Lei.

    • Condicións xerais para a reutilización

      Son de aplicación as seguintes condicións xerais para a reutilización dos documentos sometidos ás mesmas:​

      1. Está prohibido desnaturalizar o sentido da información.

      2. Debe citarse a fonte dos documentos obxecto da reutilización. Esta cita poderá realizarse da seguinte maneira: "Orixe dos datos: "Dirección Xeral de Racionalización e Centralización da Contratación – Ministerio de Facenda e Administracións Públicas".

      3. Debe mencionarse a data da última actualización dos documentos obxecto da reutilización, sempre e cando estivera incluída no documento orixinal.

      4. Non se poderá indicar, insinuar ou suxerir que a DGRCC, titular da información reutilizada, participa, patrocina ou apoia a reutilización que se leve a cabo con ela.

      5. Deben conservarse, e non alterarse nin suprimirse os metadatos sobre a data de actualización e as condicións de reutilización aplicables incluídos, no seu caso, no documento posto a disposición para a súa reutilización.

    • Exclusión de responsabilidade

      Os usuarios ou axentes da reutilización utilizarán os conxuntos de datos baixo a súa propia responsabilidade, e é responsabilidade exclusiva dos mesmos responder fronte a terceiros por danos que puideran derivarse dela.

      A DGRCC non será responsable do uso que os axentes reutilizadores fagan da súa información nin dos danos sufridos ou perdas económicas que, de forma directa ou indirecta, produzan ou poidan producir prexuízos económicos, materiais ou sobre datos, provocados polo uso da información reutilizada.

      A DGRCC non garante a continuidade na posta a disposición dos documentos reutilizables, nin en contido nin en forma, nin asume responsabilidades por calquera erro ou omisión que se inclúa nos mesmos.

    • Responsabilidade do axente reutilizador

      O axente reutilizador está sometido á normativa aplicable en materia de reutilización da información do sector público, incluíndo o réxime sancionador previsto no artigo 11 da Lei 37/2007, do 16 de novembro.

  6. Ligazóns e hiperligazóns

    Estas modificacións poderán afectar ás hiperligazóns contidas no sitio web que poidan dirixir a páxinas web de terceiros. A DGRCC non asume ningunha responsabilidade polo contido, información ou servizos que puideran aparecer en ditos sitios, cuxas páxinas non lle pertencen, nin revisa os contidos das mesmas, que terán un carácter informativo exclusivamente e que non implican necesariamente unha relación coas persoas ou entidades titulares de tales contidos ou dos sitios onde se atopen.

    O dominio http://contratacioncentralizada.gob.es pode aparecer ligado a páxinas mantidas por terceiros. Iso non implica a existencia de relacións entre a DGRCC e os propietarios de ditas páxinas web, nin tampouco implica que a DGRCC acepte ou aprobe a totalidade ou parte dos contidos ou servizos incluídos nas mesmas. Polo tanto, os propietarios de ditas páxinas non poderán declarar nin tampouco dar a entender que a DGRCC autoriza de forma expresa a hiperligazón, nin tampouco que asume ou supervisa de calquera maneira posible os servizos ofrecidos ou postos a disposición nas mesmas.

    As páxinas que conteñan unha ligazón ao dominio http://contratacioncentralizada.gob.es no poderán conter ningunha marca, denominación, logotipo, slogan e calquera outro signo distintivo pertencente á DGRCC, agás os que formen parte da mesma hiperligazón. Tampouco poderán conter información ou contidos ilícitos ou contrarios á moral e ás boas costumes xeralmente aceptadas, nin contidos que vulneren os dereitos de terceiras persoas.

    A DGRCC non garante nin se fai responsable da calidade, exactitude, fiabilidade, corrección ou moralidade dos contidos ou servizos que o establecemento da hiperligazón poida ofrecer. As persoas que accedan a ditas páxinas web asumen baixo a súa exclusiva responsabilidade as consecuencias, danos ou accións que puideran derivar do acceso á páxina web da hiperligazón.

  7. Versión multilingüe

    O portal web de Contratación centralizada está traducido a varias linguas do estado español, oficiais nos seus respectivos territorios, de conformidade co establecido no artigo 3 da Constitución Española y os seus Estatutos de Autonomía. Ditas linguas son o catalán, o éuscaro, o galego e o valenciano. Tamén está traducido a unha lingua da Unión Europea (inglés).

    Advírtese que con carácter xeral pode existir un desfasamento entre a versión en castelán e nas outras linguas, derivado do proceso de tradución das mesmas.

  8. Política de cookies

    O portal web de Contratación Centralizada instala cookies temporalmente, coa única e exclusiva finalidade de poder visualizar dito portal en varios idiomas.

    Unha cookie non identifica a unha persoa, senón a unha combinación de computador-navegador-usuario, ten unha vixencia temporal limitada e en ningún caso se utiliza para recoller información de carácter persoal.

    A DGRCC segue a regulación legal e as directrices da Axencia Española de Protección de Datos nesta materia.

    En concreto, a única cookie que se instalaría sería a seguinte:

    Para navegar polo portal web non é necesario que se permita a instalación desta cookie, de modo que é posible desactivala directamente no navegador. Neste caso, se visualizaría unicamente o idioma por defecto (castelán).

  9. Frames

    A DGRCC prohibe expresamente a realización de «framings» ou a utilización por parte de terceiros de calquera outro mecanismo que altere o deseño, configuración orixinal ou contidos do seu portal.​

  10. Accesibilidade

    En cumprimento dos principios de accesibilidade e deseño universal no Real Decreto 1494/2007, do 12 de novembro, polo que se aproba o Regulamento sobre as condicións básicas para o acceso das persoas con discapacidade ás tecnoloxías, produtos e servizos relacionados coa sociedade da información e medios de comunicación socia, a DGRCC traballa para garantir que todos os cidadáns, con especial atención ás persoas con algún tipo de discapacidade e as persoas maiores, que se relacionen con dita Dirección Xeral a través do seu Portal en Internet http://contratacioncentralizada.gob.es, poidan acceder á información e aos servizos electrónicos en igualdade de condicións, con independencia das súas circunstancias persoais, medios ou coñecementos.

    A estes efectos, o Portal da DGRCC foi desenvolvido seguindo as recomendacións de accesibilidade da norma UNE 139803:2012 intentando axustarse o máximo posible ao nivel Dobre A das Directrices de Accesibilidade para o Contido Web 1.0 do W3C, conforme ao disposto no Real Decreto 1494/2007, do 12 de novembro.

    A última revisión sobre o nivel de accesibilidade deste portal tivo lugar en xuño de 2015.

    En todo caso, é posible presentar calquera consulta en relación coa accesibilidade deste sitio web a través do correo electrónico entradasgafpresupuestariacc@minhafp.es .

    Se desexa formular unha queixa ou una suxestión formal, deberá optar por presentala a través do procedemento de Queixas e Suxestións Xerais perante o Ministerio de Facenda e Administracións Públicas, conforme ao establecido no artigo 15 do Real Decreto 951/2005, do 29 de xullo, polo que se regula o marco xeral para a mellora da calidade na Administración Xeral do Estado.