Otsailaren 5 ean, Kontratuen inguruko Errekurtsoen Administrazio Auzitegi Zentralak erabaki du ezetsi egingo direla Kontratazioaren Arrazionalizazio eta Zentralizazio Zuzendaritza Nagusiak (DGRCC) "Mahaiko ordenagailuen, ordenagailu eramangarrien, monitoreen eta beste lanpostu batzuen hornidurak kontratatzeko esparru-akordioa" kontratatzeko deitutako lizitazioa arautzen duten baldintza-agirien aurka jarritako errekurtsoak, eta prozeduraren etendura kenduko dela, SPKLren 57.3 artikuluan ezarritakoaren arabera. Nolanahi ere, gogorarazten da 2021eko martxoaren 2an amaituko dela ordenagailu pertsonalak, eramangarriak eta monitoreak 2., 3., 4., 5., 6. ,7., 8. eta 9. loteetarako hornitzeari buruzko 2/2016 esparru-akordioa. Hori dela eta, lote horietan oinarritutako kontratuak izapidetu behar dituzten erakundeek esleipen-proposamenak Conecta Centralización bidez 2021eko otsailaren 26a (egun hori barne) baino lehen igorri beharko dituzte. 1. loteak indarrean jarraituko du 2021eko maiatzaren 13ra arte.
2021eko apirilaren 30ean amaituko da AM 07/2016 akordioaren iraunaldiaren epea. Esparru-akordioan oinarritutako kontratuak esleitzeko epea akordioaren iraunaldiarena da; hortaz, 2021eko apirilaren 23a izango da Conecta-Centralización aplikazioaren bidez esleipen-proposamenak bidaltzeko azken eguna. Akordio horretan oinarritutako kontratuak egikaritzeko gehieneko epea esparru-akordioaren iraupenerako finkatutako denbora-muga baino sei hilabete gehiagokoa ezin izan denez, kontratuetan barne hartutako materiala entregatzeko epeak ezin dira 2021eko urriaren 30a baino beranduago iraun. Bulegoko material ez-inbentariagarriaz hornitzeko esparru-akordio berria prestatzen ari da, eta gaur egun ezin da zehaztu hura indarrean sartzeko data.
2021eko martxoaren 2an amaituko da AM 02/2016 esparru-akordioa, 2., 3., 4., 5., 6., 7., 8. eta 9. loteetarako ordenagailu pertsonalez, eramangarriez eta monitoreez hornitzeari buruzkoa; beraz, lote horietan oinarritutako kontratuak izapidetu behar dituzten erakundeek, 2021eko otsailaren 26a –egun hori barne– baino lehen bidali beharko dituzte esleitzeko proposamenak Conecta-Centralización aplikazioaren bidez. 1. loteak indarrean jarraituko du 2021eko maiatzaren 13ra arte. Ordenagailu pertsonalei, eramangarriei eta monitoreei eta lanpostuko bestelako konponbideei buruzko esparru-akordio berriaren (AM 02/2020) lizitazioa etenda dago kontratazio-arloko errekurtso bereziak aurkeztu baitira, eta ezin da zehaztu noiz jarriko den indarrean; beraz, litekeena da hasiera-data egungo esparru-akordioaren 2tik 9ra arteko loteen amaiera-datarekin bat ez etortzea.
2021/01/28tik aurrera, aplikazioan esteka honen bidez sartuko da: http://catalogocentralizado.hacienda.gob.es/pctw/Acceso/inicio.aspx
Egin klik hemen informazio gehiago lortzeko
2020ko urriaren 29an, inprimatzeko ekipamenduen, fotokopiagailuen, kopiagailuen eta multikopiagailuen paperaz hornitzeari buruzko 20/2019 Esparru Akordioaren 1 eta 2 loteak urte betez luzatzea erabaki da, hain zuzen 2021eko martxoaren 16tik 2022ko martxoaren 15era arte.
Publizitate instituzionaleko kanpainak zabaltzeko komunikabideetan espazioak eta gainerako publizitate-euskarriak erosteko zerbitzua emateko 50/2017 Esparru Akordioa 2021eko otsailaren 28an amaitu zenez, esparru-akordio horretan oinarritutako kontratazio-espedienteak hasteko azken eguna zehaztu duen ebazpena eman da.
Egin klik hemen informazio gehiago lortzeko Jakinarazpen administratibo eta judizialen posta-zerbitzuen Kontratu zentralizatua izapidetzen hasi da, eta 2020ko azaroaren 1ean hastea aurreikusten da, indarrean dagoen kontratuaren ordez. Horren hasierako iraupena 25 hilabetekoa da, eta 12 hilabetera arteko luzapena egin daiteke. Kontratu horren eremu subjektiboan sartzen dira Estatuko sektore publikoko Ministerio eta Erakunde guztiak, bai eta Gizarte Segurantzaren Erakunde Kudeatzaileak ere.
Sektore Publikoaren Kontratazio Plataforman Gutun arrunt eta ziurtatuen posta-zerbitzuen, publizitate-bidalketen eta helmugako frankeatzearen Kontratu zentralizatu berriaren lizitazioa argitaratu zen abuztuaren 17an, eta hori 2021eko urtarrilaren 1ean hastea aurreikusten da. Horren hasierako iraupena 35 hilabetekoa da, eta 12 hilabetera arteko luzapena egin daiteke. Kontratu horren eremu subjektiboan sartzen dira Estatuko sektore publikoko Ministerio eta Erakunde guztiak, bai eta Gizarte Segurantzaren Erakunde Kudeatzaileak ere. Kontratuaren xedea gutun ziurtatu eta arrunten zerbitzua da, naziokoena zein nazioartekoena, bai eta presakoena ere, baldin eta horiek nazionalak badira. Ez dira sartzen nazioarteko presako gutunak, ezta nazioarteko gutun ziurtatuak ere. Publizitate-bidalketen eta aldizkako argitalpenen zerbitzuak ere sartzen dira, nazionalak zein nazioartekoak, helmugako frankeatzea eta gutun arrunten itzulketa informatua.
