Ogasun Ministerioaren logotipoa
Kontratazio zentralizatua

Nola parte hartu?

Enpresa batek Estatuko kontratazio zentralizatuko egungo sisteman parte hartzeko, iragarriko diren lizitazioetan parte hartu eta esleipendun izan beharko du.

Kontratazio zentralizatuko xede diren ondasunak eta zerbitzuak jardunbide hauen bitartez kontratatuko dira:

  • Kontratu zentralizatua: sektore publikoaren kontratazioaren xedapen orokorren arabera esleitzen dena. Enpresa batek parte har dezan, lizitatu eta esleipendun izan beharko du.

  • Esparru-akordioak: lizitazio baten bitartez enpresa batekin edo batzuekin egiten den akordioa da; lizitazio horretan, kontratuaren iraunaldian esleituko diren kontratuek –akordioan oinarritzen direnak– bete beharko dituzten baldintzak ezartzen dira. Esparru-akordio batean oinarritutako kontratuak honela esleituko dira: zuzenean, haren enpresa esleipendun bati, edo beste lizitazio baten bidez, eta horretan esparru-akordioaren esleipendun diren enpresek bakarrik parte hartu ahal izango dute, esparru-akordio bakoitza zuzentzen duten arauen arabera. Esparru-akordio baten esleipendun diren enpresekin bakarrik egingo dira esparru-akordio horretan oinarritutako kontratuak.

    Beraz, enpresa batek esparru-akordio batean oinarritutako kontratuetan parte hartzeko, esparru-akordio horretan lizitatu eta horren esleipendun izan beharko du, eta, ondoren, oinarritutako kontratuaren esleipendun izatea, beste lizitazio bat egon ala ez.

  • Eskuratzeko sistema dinamikoari esker, iraunaldian hautatzeko irizpideak betetzen dituzten enpresak sistemara sartzen dira. Sistema dinamikoan onartutako enpresek parte hartuko duten lizitazio baten bidez esleitzen dira berariazko kontratuak.

    Enpresa batek berariazko kontratuetan parte har dezan, beraz, sistema dinamikoa eskatu beharko du eta horretan onartu beharko da, eta, ondoren, iragarriko diren berariazko kontratuen lizitazioetan parte hartu eta esleipendun izan beharko du.

Sektore Publikoaren Kontratuen Legeak enpresariak sektore publikoarekin kontratatu ahal izateko eduki behar dituen gaitasun- eta kaudimen-balditzak zehaztu ditu, eta lizitazio bakoitzaren baldintza-agiriek kaudimen ekonomikoaren eta teknikoaren berariazko baldintzak ezartzen dituzte.

Kontratazioaren Arrazionalizazio eta  Zentralizazio Zuzendaritza Nagusiak (DGRCC) sustatutako lizitazioa eta esleipenak haren Kontratatzailearen Profilean, Sektore Publikoaren Kontratazio Plataforman, daude kontsultagarri.