As Comunidades Autónomas, as Entidades locais, os organismos autónomos e entes públicos dependentes delas e o resto de entidades do sector público estatal non incluídos no ámbito obrigatorio da contratación centralizada, poderán adherirse ao Sistema Estatal de Contratación Centralizada (Central de Contratación do Estado) e a un ou varios dos servizos e subministracións declaradas de contratación centralizada a través de acordos de adhesión. O procedemento de adhesión realizarase en dúas fases:
Nunha primeira fase, a administración ou entidade pública interesada acordará coa DGRCC a adhesión xenérica, o que implica a súa vontade de integrarse no réxime de funcionamento do Sistema Estatal de Contratación do Estado e a posibilidade de adherirse aos seus acordos marco ou sistemas dinámicos de adquisición.
Nunha segunda fase, a entidade acordará coa DGRCC a adhesión específica a un ou varios acordos marco ou sistemas dinámicos de adquisición, o que implicará a súa obriga de realizar todas as contratacións a través daquel salvo cando os bens adxudicados ou o réxime de prestación dos servizos non reúna as características indispensables para satisfacer as concretas necesidades do ente ou entidade individualmente adherida.
Nesta ligazón pódense consultar os modelos de solicitude de adhesión xenéricos e específicos, aprobados pola DGRCC
Na seguinte ligazón podes consultar a guía básica para tramitar a solicitude de adhesión.
Podes solicitar calquera información en relación ao procedemento de adhesión xenérica á Central de Contratación do Estado, ou de adhesión específica aos diversos acordos marco contactando coa dirección de correo electrónico Adhesiones.DGRCC@hacienda.hacienda.gob.es.
