Logotipo de Ministerio de Facenda e Administracións Públicas
Imagen de la Contratación Centralizada

Foro de Centrais de Contratación Autonómicas

O Foro de Centrais de Contratación Autonómicas ten por obxectivo construír unha ferramenta que permita compartir experiencias, retos e solucións relativos aos procedementos de racionalización da contratación e á actividade propia das Centrais de Contratación Estatal e Autonómicas.

Se pertences ao Foro de Centrais de Contratación Autonómicas e dispós do teu usuario e contrasinal preme aquí para acceder.

Se pertences a unha Central de Contratación Autonómica pero non dispós de usuario e contrasinal, ponte en contacto coa Dirección Xeral de Racionalización e Centralización da Contratación para obtelos.

Celebración da primeira reunión do Foro de Centrais de Contratación

O 29 de maio de 2018 celebrouse na sede do Instituto Nacional de Administración Pública a primeira reunión do Foro de centrais de contratación, organizado pola DGRCC, coa presenza de responsables das centrais de contratación ou unidades de contratación de todas as comunidades autónomas. Á reunión asistiu un representante da Comisión Europea, que presentou as perspectivas da contratación pública en Europa, e a Subdirectora Xeral de Contratación Electrónica do Ministerio de Facenda e Función Pública, que describiu a implantación da licitación electrónica sobre a Plataforma de Contratación do Sector Público. Con esta iniciativa preténdese crear unha rede para o coñecemento mutuo dos distintos modelos organizativos e de procedementos da centralización da contratación en España, a nivel de Estado e das comunidades autónomas, e para o intercambio de experiencias e boas prácticas en aras dunha maior especialización e profesionalización da contratación pública.